جميع كلمات اغاني الحقيبة

[اب هاشم]

من هو ابراهيم عوض


هو إبراهيم عوض عبد المجيد، من مواليد فترة الثلاثينيات من القرن الماضي وكان مولده بحي العرب وهو من احياء ام درمان العريقة.. وقد انجب هذا الحي فناني مرحلة الحقيبة ميرغني المأمون وأحمد حسن جمعة وبرغم تخصصهما في أداء بعض أغاني الحقيبة الا انهما غنيا أغنيات لشعراء حديثين مثل اسماعيل خورشيد وموسى حسن بمصاحبة آلة الرق والايقاع، وانجب كذلك الشاعر/ علي محمود التنقاري الذي غنى له الفنانون محجوب عثمان، التاج مصطفى أبو داؤود والمطربة عائشة الفلاتية، وتربى فيه الشاعر والاعلامي العذب سيف الدين الدسوقي، وعاش في هذا الحي الفنانون أحمد الجابري، صالح سعد، رمضان حسن القادم من احدى ديوم الخرطوم، والتاج مصطفى كانت تقطن في هذا الحي بعض القبائل كالحسانية والكبابيش وغيرها وتربى الانعام كالجمال والخراف والابقار.. وفناننا الذي نحن بصدده هو إبراهيم عوض عبدالمجيد وكان منذ صغره هاوياً للغناء عندما اكتشف نفسه وبعض زملائه بجمال صوته وادائه .. دخل الخلوة وبعدها دخل المدرسة الاولية، ولكن تعلقه بالغناء منعه من مواصلة تعليمه.. وقبل مرحلة الغناء تعلم مهنتي الخراطة والحدادة بالمنطقة الصناعية بأ م درمان. كان فناننا هذا معجباً بموهبة وعبقرية فناننا إبراهيم الكاشف وحدث ان اشترى عوداً وتعلم عزف العود على أغنية الكاشف التي مطلعها: الحبيب وين.. قالوا لي سافر

* كيف تعلم العزف على العود؟

في تجويد عزف العود شاعره ورفيق دربه الشاعر الملحن عبدالرحمن الريح ذهب الى الاذاعة عدة مرات لمقابلة مديرها -آنذاك- او على الأرجح مراقبها الاستاذ متولي عيد وكان حازماً في غير ارهاق وتعنت وبعد فترة اجيز صوت فناننا إبراهيم الذي يعتبر من أجمل أصوات «التنيور» الحادة التي مرت على الأغنية السودانية وقليل مثله مثل صلاح بن البادية.. وفناننا يتمتع بامكانيات صوتية وادائية كبيرة وصوته لا ولن يتكرر.. غنى للشعراء ود الريح، سيف الدسوقي ، محجوب سراج، إبراهيم الرشيد، حسين جقود، الشاعر الصحفي حسين عثمان منصور، عوض أحمد خليفة، مصطفى عبدالرحيم وغيرهم. .

* متي عرفه الناس فنانا؟

ظهر فناننا إبراهيم عوض في الساحة الفنية اوائل عام 54.. ظهر قبله فنانون مثل الخير عثمان الذي من أغانيه سحر الجزيرة، الندامي، حنتوب الجميلة، الحبيب شاغلني وإبراهيم ادريس ود «المقرن» والذي من أغانيه ليه يازمان فرقتنا الحب الراحل، عتاب، أما الراحل محجوب عثمان فمن أغانيه تسابيح الحب الخالد، يا النسيت عهد الهوى، القلب المأسور. أتى بعده الفنان الذي اعتزل الغناء بعد ظهوره بزمن الراحل صالح سعد وكان هذا الفنان يتميز بصوت شجي، معبر ومن أغانيه القطار، الربيع التي مطلعها :

غاب عن عيني ربيعك مالو
الربيع انت وانت جمالو

* مع من من الملحنين تعاون الفنان الذري؟

تعاون فناننا إبراهيم عوض مع الملحنين عبداللطيف خضر «ود الحاوي» بشير عبدالعال، برعي محمد دفع الله وغنى من كلمات وألحان الملحنين الطاهر إبراهيم وعبدالرحمن الريح.. غنى ابراهيم عوض من ألحانه كأغانيه قاصدني ما مخليني، لو قلت ليك، تذكار عزيز وغيرها.. لقد كانت أغانيه هيجتني الذكرى، اسرار العيون، هوى الروح، علمتني الحب، ياغائب عن عيني هي أولى أغانيه.. غنى فناننا هذا الاغاني العاطفية كما غنى الأغاني الوطنية مثل أغانيه احب مكان التي لحنها له الملحن الفذ برعي دفع الله ويرجع الفضل لانتقاله من مدينة الأبيض الى العاصمة لصديقه الفنان عبدالعزيز داؤود حيث كان برعي يعمل باشكاتباً بمستشفى الأبيض القديمة وكانت ولم تزل بالقرب من سوق أبي جهل.. وتعتبر اغنية لو قلت ليك للشاعر حسين عثمان منصور الذي غنى له الفنانون سيد خليفة، حسن عطية، محمد حسنين، احمد المصطفى وغيرهم أغنية وطنية في إطار عاطفي كما تعتبر أغانيه في فترة حكم مايو أغان وطنية كنشيد مايو الثائر ولو انها الآن لم يعد لها وجوداً وتعتبر ذكرى في مكتبة الاذاعة.

[اب هاشم]

سلوى
(( كلمات بشير عبد العال ))
--------------------------------

ياسلوى قلبي شن سوى
من صبرك من جوه
ساقو الشوق بالقوه
سقاه مر الريد والخوه
********
تبع الشوق مشوار بعيد
فيه عانى وتعب شديد
من شقاه ما هو السعيد
لقاه راح عليه الريد
********
مسكين قلبي مكسور الخاطر
يا حليل الزمن البجبر خواطر
أصبح ذكرى ما بعوضه الحاضر
ذكرى اطول من عمري يا هاجر
********
تمام الزمن غدار غدر بي جار
خلى دموعي زي الأنهار
عشت الليل بدون نهار

==============================================

ما بقدر أبوح
كلمات النعمان علي الله
-----------------------------------------

ما بقدر أبوح أنا ماداير أصرح
يمكن قولي روح يمكن قول يجرح
يمكن شئ يفوح والناس ما بتريح
********
ما بقدر أقول الزول داك سبأني
والشوق حرك لي جناني
اخاف الناس تقول وتقول عن حناني
ولا يوم يزول وين القاه تاني
*******
مابصرح يوم بإسمه مابقول للناس ده مين
أخشى انه يجيبه سيرته ويحكوا عنه في كل حين
مابقول للناس حكايته بحياته في كلمتين
بعت العمر علشان حياته وباقي العمر علي دين
*******
حنانك حبيبي وين حنانك
حنانك حبيب الروح عشانك
انا قلبي ذاب من العذاب
والعمر ضاع مع السراب

[اب هاشم]

ياغائب عن عيني
كلمات عبد الرحمن الريح
------------------------------

يا غائب عن عيني مع أنك في قلبي
أيه حاصل بينك بين حسنك وبين قلبي
*******
مهما الأيام طالت اذكرني وصون عهدي
أذكر حبي الصافي وأذكر أيام ودي
أيام ما كان منظور يوم تختار بعدي
أيه الأسباب مالك مالك مالك متباعد عن قربي
*******
يا حبيبي تعال مرة انا مغرم بيك هايم
سهران والكون كلوا في صدر الليل نايم
مابين محتال واشى وعازل فى الحب لايم
حسدوني الناس وظلموني انا مخلص يا ربي
********
يا حبيبي ليه انت دائماً علي جائر
دائما مخليني بين الأنام حائر
الدنيا فرحانة والكون جميل نائر
وانا بالجمال مالي معذب يا ربي

=======================================

الدنيا منى وأحلام
كلمات عبد الرحمن الريح
----------------------------

ليالي لقانا جميلة كانت كانت يا سلام
أفراح وسمر وأغاني والدنيا منى وأحلام
*********
دنيا الأحلام الهائمة في بحر الريد
وليالي الأنس الحالمة كليالي العيد
حبيت وأنا طبعا حبي في نوعو فريد
حاول تسعد في حبك مهما إزددت هيام
وأحزر ما تسلم قلبك لتصاريف الأيام
********
الحب موجود في الدنيا من ماضي دهور
لليل تشتاق الأنجم والظلمة تحب النور
في الروض كم ساجعة جميلة تغرد للعصفور
وكل أغرودة لطيفة لبنات الأيك كلام
وكل أنشودة خفيفة فرحة وشفاء للآلام

[اب هاشم]

وطني السودان
كلمات سيف الدين الدسوقي
-------------------------------------

وطني السودان
احب مكان وطني السودان
لان حسانو اعف حسان
وطيرو صوادح وروضو جنان
********
الانسام بالطيب تخشاه
والاقمار حفت بسماه
الازهار تبسم في رباه
فيها رقة وفيها حنان
فيهو النيل النيل الخالد
فيهو الخال والعم والوالد
فيهو تراث من طارف وتالد
والخيرات اشكال والوان
*******
السودان اشراقة جديدة
في افريقيا وبسمة سعيدة
فيهو عروبة وجوها عديدة
من اداب وفنون وبيان
لينا الغد الزاهي المبهر
لي افريقيا ونورا الاخضر
للسودان وشبابو الاسمر
للاحرار في كل مكان

==========================

المصيــر
كلمات سيف الدين الدسوقي
----------------------------------


ليه بنهرب من مصيرنا ونقضى ايامنا فى عذاب
ليه تقول لى انتهينا ونحن فى عز الشباب
***
نحن فى الأيام بقينا قصة ما بتعرف نهاية
ابتدت ريده ومحبه واصبحت فى ذاتها غاية
كنت تمنحنى السعادة ولى تتفجر عطايا
ولما أغرق فى دموعى تبكى من قلبك معايا
***
كنا فى ماضينا قوة قوة تتحدى الصعاب
نقطع الليل المخيم ونمشى فى القفر اليباب
كنا للناس رمز طيبة وكنا عنوان للشباب
وهسى تائهين لينا مدة نجرى من خلف السراب
***
تأنى ما تقول إنتهينا تنهى جيل ينظر الينا
بانى أماله وطموحه ومعتمد أبداً علينا
نحن قلب الدنيا ديه ونحن عز الدنيا بينا
تانى ما تقول إنتهينا نحن يا دوب إبتدينا

[اب هاشم]

عزيز دنياي – كلمات الطاهر إبراهيم
-------------------------------------

كنت معاك سعيد والليله في بعدك ما أضناني
اصبر يمكن يفيد صبري ويمكن نرجع تاني
*******
خائف الناس تغريك تنسى دموعي وتنسى حناني
وأفضل مخلص ليك لو حتى سعادتك في حرماني
واضحي بزهرة عمرى علشان ما تعيش طول عمرك هاني
واروي حقيقة أمري واستشهد بالحاني
عرفت الحب من قبلك مره وانت الحب العاش في كياني
********
بهرب منك لرضاك وبحاول من أجلك أنساك
امهد ليك تتخلص منى القى خطاي تجمعنى معاك
لو تعرف عايش على الصبر كل حياتي من أجلك
تعرف يوم في دنيا غيابك يساوي سنين في دنيا هناك
يا أعز عزيز في دنياي أنا طامع أبقى عزيز دنياك

=================================

غاية الآمال – كلمات عوض احمد خليفة

يا غاية الآمال لو دعاك الشوق
ماكان جفيتنا زمان وانت الحنان والذوق
********
في عالم الأشواق لو مره عشت معاي
وبلهفة العشاق حسيت معانى هواي
كان ياجميل حنيت ورددت لحن غناي
وسقيتني كأس الريد وعادت ليالي هناي
********
وريني ليه بتخاف تكتم عواطفك ليه
وحبك مع الأيام من قلبي ليك بحكيه
تبخل علي بلقاك وعطفك دوام تخفيه
وعطفك أمل قدرته عشت السنين راجيه
********
عارفك وديع ورزين أجمل ملاك في الكون
وعارف عفافك فطره لكن حنانك وين
مابصح وأنت قريب يكويني جمر البين
مادام قلوبنا أتلاقوا و أرواحنا قالت زين

[اب هاشم]

تذكار عزيز
كلمات مصطفى عبد الرحيم
------------------------------------

جرحى الأليم
الشايله تذكار طول حياتي أسى وهموم
جرحي الدفين
العذبك يا قلبي طول عمرك أنين
داريته في الأعماق سنين
غنيته للعشاق حنين
شكوى وشجون
غنيته أصدق الأغنيات
وأصبح مجرد ذكريات
وين الصلات
وين الشموع الفى دروبنا منورات
بقت هموم
تذكار تشيله وجرح أليم
********
أصلو القلوب الهايمة تعبد في الجمال
بتضيع سنينا الحلوة في الريد ابتهال
ولهانة تحلم بالوصال
مسكينة تحلم بالمحال
لمتين بتبنى قصور رمال
ماكفاية ياقلبي الجمال
خلاك تذوب شكوى وسهر
ودر شباب عمرك هدر
شال النضار الكان مفرهد ومزدهر
خلى الشجى وخلى اليباب
الكل ثانية بعيشه لحظات من سراب
أحسه في روحي اغتراب
أحسه شوق وشقى وعذاب
نار في الضلوع وجرح أليم
تذكار عزيز ياقلبي شايله أسى وهموم

[اب هاشم]

ليه بتسأل – كلمات محجوب سراج

ليه بتسأل عنى تاني بعد ما شلت الأماني
رحت خليتني لزماني و أنت عارفه على جاني
*******
لو بتفتكر الليالي تداوي غلبي
والله تاني ترجع الفراح لقلبي
أنت واهم ياحبيبي . . .
دي الليالي أمر لي من دموعي الفي عينيه
وكل لحظة تمر عليه تنقص الأيام شوية
وتطفئ شمعاتي القليلة وأفضل أبكى واقول حليله
في الدموع أنا كل ليله أدفن أشواقي وحنانى
*******
من حياتك كان حياتي . . كنت أجمل أمنياتي
عهدى راح ما أظنه أتى وما فضل غير أغنياتي
مره أضحك ومره أبكي مره أتحمل أساي
مره اهرب منه وأشكي واعتبر حبك حكاية
عشت فيها بكل روحي وارتضيت سهدي وجروحي
كنت داري وكنت دوحي وأنطفيت يانور زماني

=========================================

الأيام – كلمات الطاهر إبراهيم

أختاروا أساي والالام بعدك عنى والأيام
********
أصبحت صديق في بعدك عنى للأشواق والصبر المضنى
للإحساس بصدك جارح وكل مثير لعذابي وحزنى
للتفكير في متين نتلاقى أعرف حالك وتعرفى عنى
********
عشت غرامك في الحاني في نجواي وفي حرماني
عشقوا الحب قبالنا ناس لكنه غرامك اختار تاني
عشت ظروفي الحلوة ومرة كانت أبعد من خيالي
*********
أخترت طريق لقلبي الخالى عواطفه بريئه وطهره مثالي
لقيت في حبى المكتوم لي تحى ظروفه حروف في خيالي
أصبح نور دنياي المظلمة وساعد أقوى من الليالي
*******
دموع الشوق عيونى توري أصبح ايه من بعدك امري
وصفوه حبك في أيامه كانت بوجودك غاية عمري
أنتى غرامي الانا توجته بأصدق مابلحني وشعري